A terceira edición dos concertos sensoxenoma! 

Un concerto de cine e emocións da Real Filharmonía de Galicia (RFG) en colaboración coa Banda Municipal de Música de Santiago de Compostela, baixo a dirección de Baldur Bronniman. O 27 de setembro de 2024 no Auditorio de Galicia (Santiago de Compostela) celebramos un concerto de película, cun repertorio de música de cine. Un concerto de dúas partes musicais asociadas a dúas emocións básicas: a tristeza e a alegría. Tomamos 850 mostras biolóxicas de sangue e 850 mostras de saliva do público asistente. Utilizamos dispositivos de última xeración, sensores sen fíos de Mediaprobe, para rexistrar a variabilidade do ritmo cardíaco e a actividade electrodérmica de 260 participantes, que levaron estes dispositivos na man durante todo o concerto. E tamén puidemos recoller 350 mostras de bágoas entre o público asistente. 

Grazas á colaboración de asociacións de pacientes como Agadea, Sarela e Ames Miastenia.